މަޖިލީހުގެ 3 ވަނަ ދައުރު އަންނަ ހޯމަ ދުވަހު ފަށަނީ

ރައްޔިތުންގެ މަޖިލީހުގެ ތިން ވަނަ ދައުރުގެ ޖަލްސާތައް އަންނަ ހޯމަ ދުވަހު ފަށަން ތާވަލު ކޮށްފި އެވެ.

މަޖިލިސް އިދާރާ އިން ބުނީ ތިން ވަނަ ދުވަހުގެ ފުރަތަމަ ޖަލްސާ އަންނަ ހޯމަ ދުވަހު ހެނދުނު 9:00 ގައި ފަށާނެ ކަމަށެވެ. އެ ޖަލްސާ އަށް އެޖެންޑާ ކޮށްފައި އޮތީ ތިން މަސައްކަތެކެވެ. އެއީ؛

1. މައްކަތުލް މުކައްރަމަ ކޮންވެންޝަން އޮފް ދަ މެންބަރ ސްޓޭޓް ސްޓޭޓަސް އޮފް ދަ އޯގަނައިޒޭޝަން އޮފް އިސްލާމިކް ކޯޕަރޭޝަން އޮން އެންޓި ކޮރަޕްޝަން ލޯ އެން ފޯސްމަންޓް ކޯޕަރޭޝަންގައި ރާއްޖެއިން ބައިވެރިވެ އެ މުއާހަދާ އަށް އަމަލު ކުރުމަށް މަޖިލީހުގެ ރުހުން ހޯދުން.

2. ކޮމިޝަނާ ޖެނަރަލް އޮފް ޓެކްސޭޝަނަށް ބޭފުޅަކު އައްޔަން ކުރުން.

3. ކުށްކޮށްގެން ހޯދާ މުދަލާ ގުޅޭ ބިލަށް ބަހުސް ކުރުން.

މަޖިލީހުގެ ތިން ވަނަ ޖަލްސާ ފަށާއިރު ރަސްމާލޭގައި ކުރިޔަށް ގެންދަން ނިންމާފައިވާ 20 ބިލިއަން ޑޮލަރުގެ ވޯޓަ ފްރަންޓް އެންޑް މެރީނާ މަޝްރޫއު އާ ގުޅިގެން ގާނޫނުތަކަށް ގެންނަން ޖެހޭ ބަދަލުތައް ވަރަށް އަވަހަށް ހުށަހަޅަން ސަރުކާރުން އަންނަނީ ތައްޔާރުވަމުންނެވެ.