ހޮލިޑޭއިން ކަނޑޫމާ ރިޒޯޓާ އެޗްޕީއެލް އިން ހަވާލުވެ ކަނޑޫމާ މޯލްޑިވްސްގެ ނަމަށް

ސިންގަޕޫރުގެ ހޮޓެލް ޕްރޮޕަޓީސް ލިމިޓެޑް (އެޗްޕީއެލް) ގެ ސަބްސިޑިއަރީ ކުންފުންޏެއް ކަމަށްވާ އެޗްޕީއެލް ހޮޓެލްސް އެންޑް ރިޒޯޓްސް އިން، ހޮލިޑޭ އިން ކަނޑޫމާ ރިޒޯޓް މޯލްޑިވްސް މެނޭޖުކުރުމާ ހަވާލުވެއްޖެ އެވެ. 1 އޮކްޓޯބަރު 2026 އިން ފެށިގެން މި ރިޒޯޓު ވަނީ "ކަނޑޫމާ މޯލްޑިވްސް" ގެ ނަމަށް ރީބްރޭންޑް ކޮށްފައެވެ.

ވެލާނާ އިންޓަނޭޝަނަލް އެއާޕޯޓުން ސްޕީޑްބޯޓުގައި 40 މިނެޓުން ދެވޭ ރާސްތާގައި، މާލެ އަތޮޅު ދެކުނުބުރީގައި އޮންނަ މި ރިޒޯޓަކީ އެކަނި ދަތުރުކުރާ މީހުންނާއި، ޖޯޑުތަކާއި، އާއިލާތަކުގެ އިތުރުން ރައްޓެހިންނާއެކު ޗުއްޓީ ހޭދަކޮށްލަން ބޭނުންވާ ފަރާތްތަކަށް ހާއްސަކޮށްގެން ފަރުމާކޮށްފައިވާ ހިތްގައިމު މަންޒިލެކެވެ.

މިމަހުގެ އެއްވަނަ ދުވަހުން އިން ފެށިގެން ތައާރަފުކޮށްފައިވާ އޯލް-އިންކްލޫސިވް ޕްލޭންގެ ދަށުން، ހެނދުނުގެ ނާސްތާ، މެންދުރުގެ ކެއުން، ރޭގަނޑުގެ ކެއުން އަދި ހިޔާރުކުރެވިފައިވާ ބުއިންތަކާއި ސްނެކްސްގެ އިތުރުން ރަށުގެ ދިރިއުޅުން ތަޖުރިބާކޮށްލުމަށް ހިލޭ ގިނަ ހަރަކާތްތަކެއް ފަތުރުވެރިންނަށް ލިބިގެންދާނެއެވެ. މެނޭޖްމަންޓް ބަދަލުވުމާއެކު، ރިޒޯޓުގެ 146 ވިލާ އަދި އެހެނިހެން ވަސީލަތްތައް އަޕްގްރޭޑް ކުރުމަށް ވަނީ ހަމަޖެހިފައެވެ. މިގޮތުން އާއިލާތަކަށް ހާއްސަ އާ އެކޮމޮޑޭޝަންތަކާއި އިޖުތިމާއީ ހަރަކާތްތަކަށް ހާއްސަ ޖާގަތައް އިތުރުކުރެވޭނެއެވެ.